Drejtoria për Arsim në komunën e Rahovecit njofton qytetarët se po vazhdojnë punimet në ndërtimin e objekteve të reja shkollore, në SHFMU “Hamëz Thaçi” në Xërxë dhe në SHFMU “Katër Dëshmorët” në Ratkoc. Në Xërxë ka përfunduar suvatimi i mureve të brendshme dhe po punohet në ndërtimin e kulmit të ndërtesës, e më pastaj do të fillojë së ndërtuari salla e edukatës fizike, e cila do të ketë lidhje fizike me objektin e shkollës. Në Ratkoc, pasi është kryer suvatimi i mureve të brendshme, po punohet në izolimin e jashtëm të ndërtesës, që gjithashtu ka lidhje fizike të përshtatshme me objektin ekzistues të shkollës.