Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori gjerman në Kosovë, Jorn Rohde, ka deklaruar se dialogu për normalizimin e marrëdhënieve mes Kosovës dhe Serbisë nuk duhet të mbingarkohet me kushtëzime të reja, pasi situata tashmë është shumë e vështirë. Rohde iu referua kushtëzimeve të fundit të Kryeministrit të Kosovës, Albin Kurti, të cilat penguan një takim trepalësh në Bruksel. Rohde mbetet optimist, duke theksuar se një qasje konstruktive është thelbësore për të marrë pjesë në Planin e Rritjes të BE-së, që përfshin një fond prej gjashtë miliardë eurosh për rajonin, me disbursimin e parë të mjeteve që pritet të kryhet në fillim të korrikut. Ambasadori gjerman e cilësoi fatkeqësi që Kurti dhe Vuçiq nuk u takuan, duke shtuar se Serbia vazhdon të shkelë Nenin 4 të Marrëveshjes Bazike për moskundërshtimin e Kosovës në organizata ndërkombëtare, ndërsa Kosova nuk po përparon me Asociacionin. Përparimi i mëtejshëm në këtë drejtim varet kryesisht nga përpjekjet e Kosovës, ndërsa Gjermania dhe vende të tjera anëtare do të vazhdojnë të ofrojnë këshilla dhe mbështetje për të ndihmuar në arritjen e këtij qëllimi.
