Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me vendimin e drejtorit të QKUK-së, Curr Gjocaj, sot janë suspenduar drejtori i Kardiologjisë në QKUK, Gani Bajraktari dhe drejtori rajonal i Spitalit të Mitrovicës, Mirdit Strana. Ata akuzohen si të dyshimtë për rastin “stenta”. Zyra e drejtorit të përgjithshëm e Shërbimit Spitalor Klinik Universitar të Kosovës (SHSKUK) njofton se duke u bazuar në shkresën zyrtare nga Kryeprokuroria e shtetit të cilën e ka pranuar përmes emailit, lidhur me personat ndaj të cilëve është ngritur aktakuzë në rastin stenta, bazuar në nenin 73 të Ligjit të Punës nr. 03/L-212, ka marrë vendim për largim të përkohshëm nga pozita menaxheriale për drejtorin e Klinikës së Kardiologjisë në QKUK dhe drejtorin e Spitalit të Përgjithshëm në Mitrovicë. Drejtori i përgjithshëm, paraprakisht ka njoftuar bordin drejtues të SHSKUK-së, nga i cili ka marrë përkrahjen e plotë për veprime ligjore konform kompetencave të tij. Është pritur dorëheqja e tyre, por për shkak të mos reflektimit për të paraqitur dorëheqjes nga pozitat menaxheriale, në ora 15:00, u janë shtypur vendimet për largim të përkohshëm. Po ashtu, njoftojmë se dorëheqjen e kanë paraqitur drejtori Spitalit të Përgjithshëm në Gjilan, dy(2) shefa të reparteve në Spitalin e Përgjithshëm në Prizren dhe një (1) në Spitalin e Përgjithshëm në Pejë.
