Sadik Halitjaha: ” U bë nami, dështoi festivali në Beograd! -Mirdita-Dobërdan”

 Këto 24 orët e fundit gjëmojnë mediat e moderatorët se si e përse dështoi ky festival i përbashkët me disa shqipfolës e sllavofilë! Mendohet se Europa paska shtyrë në këtë drejtim, me qëllim të pajtimit mes shqiptarëve e serbëve! Por më shumë për ta favorizuar dhe krijuar imazh pozitiv për Serbinë, kësaj të fundit as nuk ia ndjeu për kamuflazh, haptaz e ndaloi! Ah sa janë tuj vuajtur kumbaret e vëllazërim-bashkimit të ish-Jugosllavisë! Tani janë mbet keq, janë mbet të ndarë e s’po munden me u ribashkuar me dostat dhe dashnoret e baballarëve! Kemi dëshmitarë të kohës së riokupimit të Kosovës pas Luftës Anti Fashiste! Brigadat shoviniste serbo-malazeze marshonin nëpër Kosovë dhe këndonin, duke marshuar: Po shkon dimri, po vjen vera, nuk ka më tungjatjeta! Ndërsa në gjuhën serbe- Ide zima, dođe leta, nema više tungjatjeta! Por sahanëlepirësit, duke qenë më serbofilë se sa vetë serbët, shpikën bashkim-vëllazërimin që nën këtë thirrje vranë e masakruan ata që guxonin ta kundërshtonin! Tani kur populli akoma po i ndien plagët dhe dhimbjen për njerëzit e vrarë e të kidnapuar, dhunën e plagët e shkaktuara, shkatërrimin ekonomik e familjar për të gjitha vuajtjet e torturat! Dikujt po i ngutet ta përqafojë Serbinë, të pajtohemi sa më parë të mos bjerë imazhi i Serbisë para botës! Pikërisht ky imazh i krijuar nga ndalimi që i bëri Qeveria e Serbisë këtij manifestimi po ju dhemb shumë sllavofilëve më shumë se vringëllimat e armëve nga mijëra ushtarë serbë në brezin kufitar të Kosovës! Që 24 orë s’po ndalojnë mediat e shtetit të Kosovës, tuj vajtuar se Serbia kandidate për në BE po i prishet imazhi! Shikoni punën tuaj o të mjerë sllavofilët e Kosovës, Serbia është në aleancë me Rusinë, Kinën, Korenë, Iranin e Shtetet Arabe dhe me shumë Shtete të Afrikës! Por ne që as vetë nuk e dimë me kënd jemi, e ku do të shkojmë, Europa nuk na do, Azia na ka dalë për hundë! Jemi mbetur as te Hata as te Fata me këmbët varur në shelne të thata!

28 qershor 2024 Sadik Halitjaha