Deputeti i PDK-së, Ferat Shala, deklaroi se iniciativat për formimin e komisioneve hetimore parlamentare nuk kanë pasur për qëllim ndërhyrjen në drejtësi. Ai konstatoi se gjyqësori po atakohet nga qeveria dhe Lëvizja Vetëvendosje. Shumica parlamentare po e trajton gjyqësorin si të huaj, të kapur dhe të pabesueshëm, saktësoi Ferat Shala në një diskutim të organizuar nga Instituti Demokratik i Kosovës, për Ditën Ndërkombëtare të Parlamentarizmit. Shala shtoi se PDK nuk ka pasur mundësi të pengojë funksionalizimin e komisionit hetimor për rezervat shtetërore dhe se nuk ka pasur asnjë tendencë për ndërhyrje, pasi ligji e ndalon një gjë të tillë.
![Ferat Shala, ka kritikuar KOSTT-in për veprimet projekto dhe ndërto](https://www.radiokosovaelire.com/wp-content/uploads/feratshala-635x330.jpg)