Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Haxhi Thaçi, babai i ish-kryetari të Kosovës, Hashim Thaçi, ka shprehur besim te drejtësia e Gjykatës Speciale dhe shpreson se situata do të përmirësohet në të ardhmen e afërt. Ai deklaroi se gjykimi i djalit të tij dhe shokëve të tij të luftës është shumë i padrejtë, pasi ata kanë sakrifikuar shumë për lirinë dhe çlirimin e Kosovës dhe tani përballen me burg. Ata kanë qëndruar ditë e natë në shi e në borë për lirinë e Kosovës, dhe në fund përballen me burg, tha Haxhi Thaçi. Ai përshkroi vizitën e tij në Hagë më 19 maj, ku ai dhe bashkëshortja e tij qëndruan tri orë me djalin e tyre. Thaçi tregoi se nuk kishte mundësi të takonte ish-krerët e tjerë të UÇK-së. “Pak zor, kemi kaluar mirë, kemi qëndruar tri orë në Hagë. Hashim Thaçi, së bashku me Jakup Krasniqin, Kadri Veselin dhe Rexhep Selimin, po përballen me gjykim nga Gjykata Speciale, të akuzuar për krime lufte dhe krime kundër njerëzimit, të cilat thuhet se janë kryer kundër pakicave etnike dhe rivalëve politikë nga marsi i vitit 1998 deri në shtator 1999. Të gjithë ata janë deklaruar të pafajshëm për këto akuza.
