Kryetari Haliti pritet në takim nga kryetari i Gositivarit, bisedojnë rreth projektit ndërkufitar të financuar nga Bashkimi Evropian

03/07/2024 Institucionet

Kryetari i komunës së Vitisë, Sokol Haliti, u prit sot në takim nga homologu i tij nga Gostivari i Maqedonisë së Veriut, Valbon Limani. Në këtë takim në veçanti është biseduar lidhur me programin e bashkëpunimit ndërkufitar “Cross-border cooperation” që financohet nga Bashkimi Evropian. Me këtë rast kryetari Haliti bëri me dije se në takim në mes tyre është biseduar edhe për lidhjen dhe bashkëpunimin e dy komunave, shkëmbimin e përvojave dhe promovimin e bashkëpunimeve të ardhshme në fusha të ndryshme e në veçanti edhe në kuadër të këtij projekti. Kryetari Haliti theksoi rëndësinë e bashkëpunimit rajonal dhe shprehu mirënjohjen e tij për mikpritjen e ngrohtë të Kryetarit Limani dhe ekipit të tij. Ai tha se projekti i miratuar nga EU Cross-border cooperation do të sjellë shumë avantazhe për komunën e Vitisë si dhe komunën partnere të Gostivarit. Kjo sipas tij do të ndihmojë në rritjen e bashkëpunimit rajonal dhe në forcimin e kapaciteteve të komunës për të zhvilluar iniciativa të reja dhe për të përmbushur nevojat e qytetarëve tanë. Përndryshe vlera e projektit në fjalë është mbi 1 milion euro.

Kontrolloni gjithashtu

Kryetari Nura i ka ndarë ish ambasadorit Spahiu mirënjohjen zyrtare të Komunës së Skenderajt

Të enjtën në sallën kryesore të Qendrës së Kulturës “Hasan Prishtina” është organizuar orë letrare …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara