Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Punëve të Jashtme po ngec në ofrimin e dokumentacioneve të kërkuara, u tha në Komisionin Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Jashtme. Deputetja e Partisë Demokratike të Kosovës, Ariana Musliu -Shoshi tha se Ministria e Punëve të Jashtme ende nuk ka dorëzuar të gjitha dokumentet e kërkuara nga komisioni. Ka edhe shumë dokumente që kemi kërkuar, kemi ngecje të dokumenteve nga Ministria e Punëve të Jashtme. Prandaj, shfrytëzoj edhe sot që të lusim ministrinë që të sjellin të gjitha dokumentet e kërkuara”, tha ajo. Kryetarja e këtij komisioni, Time Kadriaj tha se në mungesë të sjelljes së dokumentacionit po ngecin në punë. ndërkohë deputetja e Lëvizjes Vetëvendosje, Fitore Pacolli tha se reforma ka filluar në vitin 2019 dhe se kanë respektuar bazën ligjore. Je abuzuese, ti Fitore gjithë je abuzuese”, i ka thënë deputetja Time Kadriaj-Fitore Pacollit. Pas kësaj, deputetet Jeta Statovci e më pas edhe Fitore Pacolli janë larguar nga komisioni.
