Pas zgjedhjes së aktivistes së Lëvizjes Vetëvendosje, Luljeta Aliut anëtare e Këshillit të Pavarur të Mediave, kanë vazhduar reagimet e organizatave ndërkombëtare për lirinë e medias. Qendra Evropiane për Lirinë e Medias dhe Shtypit, me seli në Gjermani, ka paralajmëruar se do ta informojë Këshillin e Evropës për këtë zhvillim, që për ta, është shqetësues. Sot në Kuvendin e Kosovës, Luljeta Aliu është zgjedhur anëtare e KPM-së. Ajo njihet për qëndrimet e saj publike në përkrahje të LV-së dhe Kryeministrit Kurti. Federata Evropiane e Gazetarëve kishte kërkuar që të mos zgjidhen përkrahësit e partisë në psuhtet dhe i ishin bërë thirrje kreut të LV-së që të ndalë politizimin e KPM-së. Lidhur me këtë rast ka reaguar e shqetësuar edhe ECPMF-ja. Jemi shumë të shqetësuar dhe të zhgënjyer nga vendimi i Kuvendit të Kosovës, i kontrolluar nga Lëvizja Vetëvendosje, për të zgjedhur Luljeta Aliun anëtare të Komisionit të Pavarur të Mediave. Ajo zëshëm, rregullisht dhe publikisht e ka përkrahur Lëvizjen Vetëvendosje dhe politikat e saj. Në asnjë mënyrë, ajo nuk mund të konsiderohet e pavarur”, thuhet në njoftimin e ECPMF-së.

Luljeta Aliu debaton ashpër me Faruk Rexhajn në Komisionin e Pavarur të Medieve

16/07/2024 Lajmet

Ish-analistja e pavarur e Vetëvendosjes dhe anëtarja e deleguar nga kjo parti në Komisionin e Pavarur të Mediave, Luljeta Aliu, vazhdon të mbështesë fuqishëm politikat e partisë në pushtet. Gjatë një seance të Komisionit, ajo  pati një debat të ashpër me ushtruesin e detyrës së kryeshefit të KPM-së, Faruk Rexhaj, duke e akuzuar për konflikt interesi në rastin e Klan Kosovës. Luljeta Aliu akuzoi Rexhajn se po mbronte interesat e Devollëve, duke përmendur se gruaja dhe vëllai i tij punojnë për ta. Faruk Rexhaj mohoi akuzat, duke theksuar se kishte marrë miratim nga Agjencia Kundër Korrupsionit për pozicionin e tij dhe se nuk kishte konflikt interesi. Ai shtoi se vëllai i tij ka kompani të vet dhe nuk punon në industrinë e mediave. Kjo përballje reflekton tensionet e vazhdueshme brenda Komisionit, ku Vetëvendosje po synon të forcojë ndikimin e saj përmes një projektligji të ri.

Kontrolloni gjithashtu

Peter Stano: Bashkimi Evropian nuk i vë në dyshim autoritetet e Kosovës për hetimin e krimeve të luftës, por është në kontakt me ta

BE mirëpret gatishmërinë e Kosovës për normalizimin me Serbinë, por kërkon veprime konkrete dhe të menjëhershme”

Bashkimi Evropian mirëpret gatishmërinë e Qeverisë së Kosovës për të zbatuar marrëveshjen e normalizimit me …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara