Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës do t’i dorëzojë komentet me shkrim mbi dokumentin e planit të Marrëveshjes Bazë të Brukselit dhe aneksit të Ohrit, brenda kohës së paraparë nga ndërmjetësi i dialogut, Mirosalv Lajçak. Sipas Qeverisë, thuhet se ajo në vazhdimësi ka paraqitur propozime konkrete për secilën pikë, të versioneve të planit, duke dëshmuar konstruktivitet. Në anën tjetër, në partinë më të madhe opozitare, PDK deklarojnë se plani i ri i Lajçakut për zbatimin e marrëveshjes është më i keq sesa i kaluari. Ndërkaq, njohësit e procesit të dialogut thonë se themelimi i Asociacionit mund të jetë në qendër të këtij plani. Deputeti i Partisë Demokratike të Kosovës, Enver Hoxhaj, thotë për KosovaPress se në vizitën e fundit të Lajçakut në Kosovë, ai ka sjell një plan të Marrëveshjes Bazë të Brukselit dhe aneksit të Ohrit i cili është më i keq sesa ata më herët që kanë qenë në tavolinë. Sipas tij, Kurti dhe Bislimi duhet të tregojnë për çka po bisedojnë në dialog, pasi konsideron se gjatë qeverisjes së tyre i kanë bërë dëme të mëdha Kosovës në këtë proces.
