Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Udhëheqësi i opozitës turke që jeton në Shtetet e Bashkuara të Amerikës, Fetullah Gylen i është kundërpërgjigjur akuzave të presidentit turk, Erdogan për gjoja organizimin e puçit ushtarak. Imami, Gylen ka thënë se do të respektonte një vendim të mundshëm të autoriteteve amerikane për ekstradimin e tij në Turqi. “Nuk jam fort i brengosur për kërkesën që unë të ekstradohem”, ka thënë Gylen i cili jeton në ekzil në Pensilvani të Shteteve të Bashkuara të Amerikës. Ai ka shprehur bindjen se puçin ushtarak e ka organizuar vetë kryetari turk, Rexhep Tajip Erdogan. Ditëve të fundit, në shtypin perëndimor janë shtuar zërat që flasin se grusht-shteti në tentative është bërë me dijeninë e Erdoganit për të pasur një pretekst për të forcuar autokracinë, për të bërë ndryshime kushtetuese dhe për të filluar një valë spastrimesh në ushtri.
