Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i BE-së në Kosovë, Tomas Sunyog, në përfundim të mandatit në Kosovë, ka thënë se projektet tona në vitet e fundit janë më pak të dukshme, pasi ato fokusohen në fusha si sundimi i ligjit, lufta kundër krimit të organizuar e korrupsionit, reforma e administratës publike, mjedisi dhe energjia e gjelbër etj, dhe jo ndërtim urash ose të ngjashme. Ai ka veçuar disa nga momentet më të mira që ka kaluar në Kosovë, por edhe disa momente të këqija. “E ardhmja e Kosovës është në Bashkimin Evropian dhe ky angazhim iu ka premtuar Kosovës dhe rajonit qysh në vitin 2003 në Samitin e Selanikut. Kjo ishte një nga deklaratat “shpresëdhënëse” të Szunyog për kosovarët, të cilën me siguri e kanë përsëritur edhe pararendësit e tij. Ambasadori Szunyog duke folur për masat që janë vendosur ndaj Kosovës, para më shumë se një viti, ka theksuar se ato janë vendosur pas ngjarjeve të 29 majit të vitit të kaluar dhe sulmit ndaj KFOR-it në Zveçan, e kjo situatë serioze, e ka detyruar BE-në që të reagojë. Të mos harrojmë se BE-ja që nga viti 2008 ka investuar 1.7 miliard euro, në Kosovë, kjo e bën atë donatorin më të madh, në Evropë, saktësoi Szunyog. EO
