Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas shpërthimit në afërsi të liqenit të Ujmanit, Policia e Kosovës ka bastisur një shtëpi në zonën e Zubin Potokut. Gjatë këtij operacioni, forcat policore kanë sekuestruar tre radiolidhje dhe një veturë. Tani për tani nuk ka të arrestuar në lidhje me këtë rast. Zëvendësdrejtori i Policisë së Kosovës për rajonin e veriut, Veton Elshani, ka konfirmuar se bastisja është kryer rreth orës 21.00. Ai theksoi se, ndërkohë që nuk janë arrestuar persona, policia ka identifikuar një individ që është i interesuar për intervistim në lidhje me hetimet në vazhdim. Hetimet për rastin e shpërthimit po vazhdojnë, dhe autoritetet po shqyrtojnë të gjitha provat e mbledhura gjatë bastisjes.
