leoni

Zahaqi bëhet me Palestër të Sporteve

18/07/2016 Institucionet

Ministria e Kulturës, Rinisë dhe Sportit z. Kujtim Shala, ka nënshkruar sot një memorandum bashkëpunimi me Komunën e Podujevës, qëllimi i të cilit është mbështetja financiare për “Ndërtimin e Palestrës së Sportit në Zahaq të Pejës”.

Nëpërmjet këtij Memorandumi, MKRS-ja investon mjete financiare prej 650 mijë eurosh për dy vite; investim ky që do të bëhet në dy faza. Faza e parë prej 50 mijë eurosh për këtë vit, ndërsa faza tjetër prej 600 mijë eurosh për vitin 2017, ndërkaq Komuna e Pejës merr përsipër të investojë 10 mijë euro në vitin 2017 për këtë projekt kapital.

Ministri i Kulturës, Rinisë dhe Sportit, Kujtim Shala, u shpreh se ky investim kapital në Zahaq të Komunës së Pejës, është në vazhdën e investimeve të shumta që po bën MKRS-ja nëpër tërë Kosovën, me qëllim të përmirësimit të infrastrukturës për sportin e Kosovës dhe krijimin e kushteve më të volitshme për sportistët kosovarë që të zhvillojnë sport cilësor dhe të korrin rezultate.

Kryetari i Komunës së Pejës, Gazmend Muhaxheri, e falënderoi ministrin Shala për bashkëpunimin dhe u shpreh se ky investim kapital në Zahaq të Pejës është në të mirë të interesave të qytetarëve të kësaj komune, të cilët së shpejti do të kenë kushte moderne për zhvillimin e aktiviteteve sportive.

Kontrolloni gjithashtu

Arnitë Kastrati, fituese e “Çmimit të Orkestrës” në edicionin e dytë të Festivalit të Këngës të RTK-së

Kryetari i Komunës së Malishevës Ekrem Kastrati bashkë me Drejtoreshën komunale të Arsimit, znj. Arbëreshë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara