Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tre liderët shqiptar kreu i Kuvendit Ilir Meta, kryeministri Edi Rama dhe lideri i opozitës Lulzim Basha do të takohen në kryesinë e Kuvendit për të diskutuar për reformën në drejtësi. Në këtë takim ishte paraparë të ishin të pranishëm edhe ambasadorët e SHBA dhe BE, Donald Lu dhe Romana Vlahutin, por përmes një deklarate të minutës së fundit gjatë ditës së sotme, krye diplomatët refuzuan, e shkak për këtë u bë Partia Demokratike. Liderët politikanë kanë mbërritur në kryesinë e Kuvendit ku pritet t’i japin zgjidhjeve çështjeve që i ndajnë në këtë proces. Ishte kryetari i LSI-së ai që propozoi një takim të përbashkët mes tij, Bashës e Ramës në prani edhe të ambasadorëve për të arritur një draft përfundimtar të përbashkët të reformës në drejtësi. “Z.Basha foli për një qeveri teknike dhe nuk e përmendi propozimin hibrid që ai diskutoi me Ambasadoren Nuland më 10 korrik. Nëse z. Basha e ri deklaron angazhimin e tij të mëparshëm për të negociuar ekskluzivisht mbi bazën e propozimit hibrid, vetëm atëherë ambasadorët do t’u bashkohen këtyre diskutimeve”, thuhet në deklaratën e përbashkët të Lu e Vlahutin.
