Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veprimtari dhe ish i burgosuri politik, Nimon Krasniqi, ka publikuar emrat e shtatë pjesëtarëve të UDB-së, jugosllave që e torturuan për më shumë se gjashtë muaj. Krasniqi ka identifikuar Mehmet Haskajn, Mehmet Locin, Xhelajdin Beqirin, Ismajl Nallbanin, Qazim Mazrekajn, Dem Mujën, dhe Jakup Lonçarin si përgjegjës për tortura fizike dhe psikike. Krasniqi ka përshkruar në detaje peripecitë dhe torturat që ka përjetuar nga këta individë, duke përfshirë dhunën fizike dhe nënçmimet njerëzore që i kanë shkaktuar. Ai ka theksuar se torturat kanë qenë aq të rënda sa që shpesh herë ka menduar për vetëvrasje si një mënyrë për t’u shpëtuar. Në një përshkrim të veçantë, ai ka ndarë kujtime nga një natë kur është torturuar në mënyrë të egër nga Dem Muja dhe Jakup Lonçari, ku përballja me torturat ishte e tmerrshme dhe e padurueshme.
