Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i AAK-së, Shemsedin Dreshaj, ka reaguar kundër veprimeve të deputetëve të Vetëvendosjes, në Komisionin Hetimor për Subvencionimin e Teksteve Shkollore. Sipas Dreshajt, deputetët e kësaj partie e kanë shkelur Ligjin dhe Rregulloren për komisionet hetimore parlamentare duke zgjedhur kryesuesin dhe zëvendës kryesuesin e komisionit në mënyrë të kundërligjshme. Dreshaj ka akuzuar për “puç” në komision dhe ka theksuar se kjo ndodhi në përpjekje për të fshehur manipulimet me subvencionimin e teksteve shkollore. Ai ka kritikuar deputetët e Vetëvendosjes për nxjerrjen nga mbledhja të stafit teknik të Kuvendit që kishte tërhequr vërejtjen për shkeljet e Ligjit dhe Rregullores. Dreshaj ka kërkuar ndërhyrjen e Kryetarit të Kuvendit për të ndaluar këtë situatë dhe ka theksuar se komisionet hetimore duhet të udhëhiqen nga opozita, sipas praktikave parlamentare ndërkombëtare.
