Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Cikli i dëgjimeve buxhetore në territorin e komunës së Rahovecit vazhdoi në Drenoc, me banorët e fshatrave: DRENOC, SENOC, PASTASELLË, ZATRIQ, KAZNIK, PATAQAN I EPËRM, për t’i mbledhur kërkesat dhe nevojat mbi buxhetin e vitit 2025. Kryetari Komunës së Rahovecit Smajl Latifi, paraqiti informacionet kyçe lidhur me planifikimin dhe menaxhimin e buxhetit të komunës së Rahovecit, si dhe drejtori i financave, z.Afrim Limani shpalosi në mënyrë më të detajuar buxhetin e Komunës së Rahovecit për vitin 2025.
– Buxheti i Komunës së Rahovecit për vitin 2025 do të jetë në vlerë: 20.982.000€
– Kërkesat që u parashtruan ishin:
– Kërkesë rreth një simboli për Masakren e Pastaselit;
– Rregullimi i fushës së basketbollit dhe riparimi i fushës së futbollit;
– Riparimi i ndriçimit publik afër shkollës;
– Prioritet uji i pijshëm;
– Rregullimi i rrugëve me kubëza të 12 rrugëve në Drenoc;
– Rregullimi i kanaleve të kullimit të ujit;
– Rregullimi i sheshit në Drenoc;
– Objekti i shkollës fillore në Drenoc të shpallet muze;
– Rregullimi i rrugëve fushore në fshatin Drenoc;
– Kthimi në gjendje të mëparshme të rrugëve të cilat janë dëmtuar nga KRU Gjakova.
Në vazhdën e debatit pati edhe biseda interaktive të përgjithshme rreth kërkesave të ndryshme;
– Grupi punues do t’i shqyrtojë pyetjet dhe kërkesat dhe në raportin final do t’i gjeni me arsyetime të sakta, i cili do të publikohet në ueb-faqen zyrtare të Komunës së Rahovecit.
– Sugjerimet dhe kërkesat tuaja mund t’i parashtroni online përmes këtyre e-mail adresave.
