Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata palestineze Hamas dhe mediet shtetërore iraniane kanë bërë të ditur se udhëheqësi më i lartë politik i Hamasit, Ismail Haniyeh 62-vjeçar, është vrarë në kryeqytetin iranian Teheran. Hamasi pretendoi se Haniyeh u vra në një “bastisje” izraelite në rezidencën e tij, ndërsa ushtria izraelite nuk pranoi të komentonte. Vrasja e tij i jep një goditje të rëndës Hamasit në një kohë kur tensionet po shpërthejnë në të gjithë Lindjen e Mesme për luftën shkatërruese në Gaza dhe ngre pyetje për të ardhmen e negociatave midis Izraelit dhe Hamasit. Haniyeh kishte shkuar në Iran për të marrë pjesë në ceremoninë e betimit të presidentit të ri të vendit, Masud Pezeshkian. Askush nuk e mori menjëherë përgjegjësinë për vdekjen, por Izraeli ishte zotuar të vriste Haniyeh dhe udhëheqës të tjerë të Hamasit pasi grupi sulmoi Izraelin më 7 tetor, duke vrarë 1200 njerëz dhe duke marrë peng 250 të tjerë. Afër 40 mijë palestinezë janë vrarë dhe më shumë se 90 mijë e 900 të plagosur që nga fillimi i luftës.
