Edhe pas takimit që zgjati tri orë mes minatorëve e menaxhmentit të Trepçës, nuk u arrit asnjë rezultat konkret. Minatorët kanë vendosur të vazhdojnë grevën dhe të mos kthehen në punë derisa të ekzekutohen pagat e vonuara për dy muaj. Menaxhmenti ka kërkuar bashkëpunimin e minatorëve për të kapërcyer situatën e rëndë financiare, ndërkohë që nuk ka ende një datë të saktë për ekzekutimin e pagave. Kryeshefi i Trepçës, Bashkim Kurti, ka paralajmëruar një takim të mëvonshëm me Bordin për të kërkuar zgjidhje, ndërsa Ministria e Ekonomisë nuk ka ofruar ndonjë reagim. Sindikata e Pavarur e Minatorëve e ka akuzuar menaxhmentin dhe qeverinë për mungesë të interesit dhe ka paralajmëruar mundësinë e migrimit të minatorëve nëse situata nuk përmirësohet.
Kontrolloni gjithashtu
Avokati, Luka Mishetiq akuzon Prokurorinë në Hagë, për nxitje të dëshmitarit, Fadil Geci, kundër Hashim Thaçit
Në seancat gjyqësore kundër krerëve të UÇK-së, që po mbahen, në Hagë, avokati i Hashim …