Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës ministri i Infrastrukturës, Hysen Durmishi, ditë më parë në Mitrovicë ka thënë se ka përfunduar procesi i testimit të stabilitetit infrastrukturor të Urës mbi Lumin Ibër. Durmishi tregoi se pas përmbylljes së këtij procesi, presin nga kompania e kontraktuar, e cila ka fituar 10 mijë euro për këtë matje mekanike me transporterë, nëse ura është stabile për qarkullim të automjeteve. Besoj se brenda dy-tri ditëve presim raportin final, ka thënë Durmishi. Të testosh Urën, të revitalizuar nga Bashkimi Evropian në vitin 2018 dhe e cila ka kushtuar rreth 1 milion e 5oo mijë euro, kjo thjesht është një budallallëk, dhe aq më tepër nëse mund të paragjykohet që mund të përdoret si alibi për ta shtyrë hapjen, e cila tashmë po kuptohet se nuk do të ndodh, pavarësisht deklaratave prepotente me arrogancë naive sui generis, të Xhelal ministrit të brendshëm, i cili fryhet si gjeldec para kamerave duke parakaluar dhe duke bërë selfie mbi urë. Sveçla ka thënë se hapja e urës kryesore mbi lumin Ibër nuk është çështje e dialogut. Sipas tij, kjo temë është mbyllur në vitin 2016 dhe tani po presin fazat inspektuese dhe procedurale për hapjen e saj.
