Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli i Prindërve të Kosovës ka shprehur kundërshtimin e tij ndaj vendimit të MAShTI, për subvencionimin e teksteve dhe mjeteve shkollore për vitin e ri akademik. Nënkryetari i Këshillit, Visar Islami, ka theksuar se ende ka familje që nuk kanë marrë mjetet e premtuara nga subvencionimi i vitit të kaluar, duke ngritur shqetësime për efektivitetin e kësaj skeme. “Ne, ashtu si në të kaluarën, e kundërshtojmë këtë formë të furnizimit me tekste shkollore përmes subvencionimit. Ende ka familje që nuk i kanë marrë mjetet nga subvencionimi i vitit 2023,” ka deklaruar Islami për mediat. Vendimi për të transferuar fondet drejtpërdrejt tek prindërit për blerjen e librave shkollorë është viti i dytë radhazi që zbatohet, megjithatë mbetet të shihet se si do të ndikojë kjo skemë në furnizimin me kohë të teksteve shkollore për nxënësit.
