33 pjesëmarrëse të projektit ‘’women start-ups’’ përfitojnë grante nga CBM

19/07/2016 Institucionet

Në kuadër të projektit Mjedisi i biznesit mbështetës për gratë që fillojnë biznese në veri dhe jug të Mitrovicës, Community Building Mitrovica dhe D&G Solutions ndanë 33 grante për pjesëmarrëset e këtij projekti në total prej: 112,500.00 Euro. Ceremonia e ndarjes së granteve u zhvillua në Agjensionin regjional për zhvillim në Mitrovicën jugore.

Në një fjalim rasti, kryetari i komunës së Mitrovicës, Agim Bahtiri , fillimisht i ka përgëzuar përfitueset e këtyre granteve, duke ju dëshiruar suksese të mëtutjeshme tani si ndërmarrëse të reja në biznes.

”Ne si qytet i Mitrovicës kemi nevojë për projekte të tilla të cilat kanë për qellim përmirësimin e qëndrueshmërisë ekonomike dhe sociale si në pjesën veriore ashtu edhe jugore të qytetit, përmes përfshirjes së grave në zhvillimin e sektorit privat, dhe krijimin e kushteve për biznese, andaj shpresoi që edhe në të ardhëm do të kemi projekte të tilla në integrimin e  grave të cilat kanë treguar që dinë të jenë ndërmarrëse te suksesshme”, ka thënë kryetari Bahtiri.

Ndërsa Florentina Hajdari Hajra nga CBM ka bërë të ditur se projekti ‘’Mjedisi mbështetës i biznesit për gratë fillestare në biznes në Mitrovicë Veri dhe Jug” është financuar nga Zyra e Bashkimit Evropian në Kosovë, i bashkë-financuar nga Komuna e Mitrovicës në Jug dhe Fondacioni MOTT. Ky projekt implementohet nga Community Building Mitrovica në bashkëpunim me D & G Solutions.

Objektivi kryesor i projektit është të kontribuoj në përmirësim të qëndrueshëm ekonomik dhe social të veriut dhe jugut të Mitrovicës, përmes përfshirjes së grave në zhvillimin e sektorit privat dhe krijimit të ambientit mbështetës për gratë sipërmarrëse të cilat fillojnë biznese në veri dhe jug të Mitrovicës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara