Edhe një takim i kryetarit Bahtiri me përfaqësues të shqiptarëve në KK të Mitrovicës së veriut

19/07/2016 Institucionet

Kryetari i komunës së Mitrovicës, Agim Bahtiri, ka takuar në kabinetin e tij përfaqësuesit legjitim të shqiptarëve të veriut të qytetit në Kuvendin e Komunës në veri të Mitrovicës, Lumni Xhaka, këshilltar nga radhët e LDK-së dhe Gëzim Alushi, këshilltar nga radhët e AAK-së, me të cilat ka biseduar për gjendjen aktuale politike e të sigurisë dhe për problemet me të cilat po ballafaqohen në jetën e përditshme shqiptarët që jetojnë në lagjet veriore të qytetit.

Fillimisht, këshilltarët shqiptarë në Kuvendin e Komunës të Mitrovicës së veriut e njoftuan kryetarin Bahtiri me zhvillimet e fundit në këtë pjesë të qytetit, kushtet në të cilat jetojnë shqiptarët dhe pjesëtarët e komuniteteve jo serbe, si dhe me përpjekjet e tyre për t’i zgjidhur problemet me të cilat ata ballafaqohen përmes rrugës ligjore dhe me mjete demokratike.

Pasi i dëgjoi fjalët e tyre, kryetari Bahtiri ju tha se do ta kenë mbështetjen e tij dhe të institucioneve komunale në përpjekjet e tyre për të përmirësuar kushtet e jetesës, duke i këshilluar ata që këtë ta bëjnë vetëm përmes institucioneve legjitime demokratike dhe me mjete paqësore, duke respektuar gjithnjë ligjin  dhe rendin.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara