Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjuhë e përdorur nga kryetarja e Kosovës, Vjosa Osmani, ndaj mediave është vlerësuar si shqetësuese nga gazetarët dhe analistët pas raportimeve që lidhin familjen e saj me vrasjen tragjike të ndodhur në Ferizaj. Këto raportime përfshinin pohime se Osmani dhe bashkëshorti i saj ishin në dijeni për problemet mes familjeve të përfshira në ngjarjen tragjike. Në reagimin e saj, zonja Osmani mohoi çdo lidhje me ngjarjen dhe kritikoi ashpër mediat për raportime të cilat, sipas saj, janë joetike dhe jo profesionale. Megjithatë, Asociacioni i Gazetarëve të Kosovës e ka quajtur thirrjen e kryetares për hetim të mediave si një precedent të rrezikshëm dhe të papranueshëm për lirinë e shtypit. Kritikat ndaj mediave nuk kanë qenë të pazakonshme nga vetë kryetarja apo bashkëshorti i saj, i cili gjithashtu ka përdorur një gjuhë të ashpër ndaj mediave në të kaluarën, duke i quajtur ato si “ndërmarrje kriminale’.
