Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, ka folur rreth ngritjes së aktakuzës kundër ish-kryeshefit të KEK—ut, Nagip Krasniqi, duke theksuar se ndëshkimi i të korruptuarve nga pushteti është i pashmangshëm, qoftë nga ligji apo vota e qytetarëve. Qeveria Kurti ka nënshkruar mbi 900 kontrata njëburimore, të cilat, sipas saj, janë burim i korrupsionit dhe kanë dëmtuar buxhetin e shtetit. Ajo ka bërë thirrje që organet e hetuesisë të hetojnë këto kontrata dhe të mbajnë përgjegjës ata që kanë shkaktuar dëme. Është rasti i Krasniqit, ku buxheti i shtetit është dëmtuar me mbi 3.7 milionë euro për shkak të tregtisë së energjisë me një kompani të palicencuar, në kundërshtim me ligjin dhe rregullat e Zyrës së Rregullatorit për Energji, ka saktësuar, deputetja e LDK-së, Hykmete Bajrami.
