Takimi i parë i buxhetimit me pjesëmarrje në komunën e Deçanit përfundon me sukses

21/08/2024 Institucionet

Me 19 Gusht 2024, në Qendrën Rinore të Deçanit, u mbajt takimi i parë i buxhetimit me pjesëmarrje me banorët e fshatrave Carrabreg i Epërm dhe Lloqan! Banorët e këtyre fshatrave kontribuuan me idetë dhe propozimet e tyre të vlefshme, bazuar në kriteret për përzgjedhjen e projekteve të përcaktuara nga komuna. Banorët e fshatrave Carrabreg i Epërm dhe Lloqan, propozuan këto projekte:

  1. Bibliotekë dhe Muze në fshatin Carrabreg i Epërm;

  2. Qendra e fshatit Lloqan – Restaurimi i Shtëpisë së Kulturës dhe parkut përreth;

  3. Mbuloja e fushës sportive në fshatin Carrabreg i Epërm;

  4. Rregullimi i shtratit të lumit në fshatin Lloqan;

  5. Digat në fshatin Lloqan;

  6. Kanalizmet në Lloqan;

  7. Trotuarët nga Carrabregu i Epërm deri në Drenoc;

Takimi i dytë i buxhetimit me pjesëmarrje i mbështetur nga Aktiviteti i USAID “Kontrata Sociale”, do të mbahet në Qendrën Rinore, me 23 Gusht, nga ora 18:00, me ç’rast banorët e fshatrave Carrabreg i Epërm dhe Lloqan, do të votojnë dhe përzgjedhin projektin më të mirë. Me këtë rast, Komuna e Deçanit i fton banorët e këtyre lokaliteteve t’i shpërndajnë propozimet për të cilat pritet të votohet këtë javë dhe projekti fitues do të financohet nga buxheti i komunës në shumën prej 35 mijë euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara