Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i pavarur i Kuvendit të Kosovës, Fatmir Humolli, ka shprehur shqetësimin e tij të thellë lidhur me proceset gjyqësore në Gjykatën Speciale, të cilën ai e konsideron si një institucion anti-shqiptar. Dënimi i ish-krerëve të UÇK-së është në interes të Serbisë dhe bashkëpunëtorëve të saj në Kosovë. Ai i bërë thirrje Qeverisë së Kosovës që të angazhojë profesionistë për mbrojtjen e tyre. Sipas Humollit, është jetike që mbrojtja e vlerave të UÇK-së të jetë sa më profesionale dhe Qeveria duhet të investojë në këtë drejtim për të parandaluar dëme të mëdha politike për Kosovën. Ai paralajmëroi se dënimi i ish-krerëve të UÇK-së mund të çojë deri në pikën ku miqtë e Serbisë mund të sfidojnë intervenimin e NATO-s, në Kosovë dhe të ngrenë aktakuza kundër këtij intervenimi. “Në interes të Kosovës është që të paguhet çdo kosto për mbrojtjen e vlerave të UÇK-së, jo vetëm për individët e akuzuar,” tha Humolli, duke kritikuar qasjen aktuale të Qeverisë, të cilën ai e konsideron të pamjaftueshme.
