Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PSD-së, Dardan Molliqaj, ka kërkuar shkarkimin e menjëhershëm të Kryeshefit Ekzekutiv të Trepçës, Enis Abdurrahmani, pas vendimit të tij për shpalljen e “gjendjes së jashtëzakonshme” në ndërmarrjen Trepça. Molliqaj e ka cilësuar këtë vendim si “të jashtëligjshëm, të rrezikshëm dhe skandaloz”. Ai ka denoncuar diskriminimin që, sipas tij, po ushtrohet ndaj minatorëve nga menaxhmenti i Trepçës. Vendimi për shpalljen e gjendjes së jashtëzakonshme dhe pezullimi i pushimeve vjetore të minatorëve është një shkelje flagrante e Ligjit të Punës dhe Ligjit për Greva. Molliqaj ka argumentuar se asnjë nen i Ligjit të Punës nuk parasheh gjendjen e jashtëzakonshme si pjesë të marrëdhënies së punës, dhe se Ligji për Greva i mbron punëtorët që grevojnë nga ndëshkimi.
