Ministri Zharku nënshkroi memorandum bashkëpunimi me komunën e Parteshit

21/07/2016 Institucionet

Ministri i Infrastrukturës, Lutfi Zharku me bashkëpunëtorë vizitoi Komunën e Parteshit, ku u taku me kryetarin e kësaj Komune, Dragan Nikolic.

Me atë rast u nënshkrua një Memorandum Bashkëpunimi në mes të Ministrisë së Infrastrukturës dhe komunës së Parteshit për një investim në vlerë prej 120,000.00 euro.

Ministri Zharku shprehu përkrahjen e tij për Komunën e Parteshit duke theksuar:

“Unë jam këtu në vizitë që të nënshkruajmë një memorandum bashkëpunimi për

investime në infrastrukturën rrugore. Siç e dini, shuma me rishikimin e buxhetit, nga 100,000.00 euro është rritur në 120,000.00 euro.  Ne besojmë që këto mjete do të shfrytëzohen në mënyrën sa më të mirë dhe sa më të efektshme për ngritjen e mirëqenies së qytetarëve dhe natyrisht për lidhjen e fshatrave jo vetëm të komunave Pasjan dhe Partesh por edhe me fshatrat e tjera të komunës së Gjilanit”.

Me këtë rast, kryetari i Parteshit, Dragan Nikolic falënderoi ministrin Zharku për vizitën e bërë dhe përkrahjen e dhënë.

“Fillimisht e falënderoj ministrin për vizitën e sotme, mirëkuptimin dhe për qëllimin e mirë për të na ndihmuar. Ne nënshkruam memorandumin e bashkëpunimit në vlerë 120,000.00 euro për investimin e ndërtimit të rrugëve në Partesh. Ne do t’i shfrytëzojmë këto mjete në investimin e projekteve të domosdoshme me përgjegjësi të lartë”, theksoi kryetari i komunës së Parteshit, Dragan Nikolic.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara