Diskutim Publik për Planin e Punës së Kuvendit Komunal të Vitisë për Vitin 2025

02/09/2024 Institucionet

Komisioni për hartimin e planit të punës së Kuvendit komunal të Vitisë për vitin 2025, ka mbajtur sot një diskutim publik rreth aktiviteteve dhe seancave të rregullta që parashihen të mbahen në vitin e ardhshëm. Kryesuesi i Kuvendit komunal Bekim Azizi, tha se në bazë të këtij plani, parashihen të mbahen 11 seanca të rregullta dhe 3 seanca solemne të cilat do të mbahen në datat simbolike siç janë 17 Shkurti – Dita e Pavarësisë së Kosovës, 14 Qershori – Dita e Çlirimit të komunës së Vitisë dhe 5 Maji – Dita e Dëshmorëve. Përveç kësaj, janë planifikuar edhe diskutime të ndryshme për zhvillimin ekonomik, infrastrukturën dhe çështjet sociale, raporteve 6 mujore të kryetarit të komunës, miratimi i buxhetit, shqyrtimi e miratimi i rregulloreve si ajo për taksa, ngarkesa dhe gjoba etj, tha Azizi. Gjatë diskutimit publik, të pranishmit, si nga përfaqësues të shoqërisë civile e po ashtu edhe qytetarët, kanë pasur mundësinë të japin sugjerimet e tyre për përmirësimin e planit të punës, duke e bërë këtë një proces gjithëpërfshirës dhe më transparent.

Kontrolloni gjithashtu

Kryetari Kastrati priti komandantët e pikave kufitare të Kosovës dhe Shqipërisë në Morinë, Sinani dhe Krasniqi

Kryetari i Komunës së Malishevës, Ekrem Kastrati, ka pritur në një takim pune komandantët e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara