Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale e Hagës ka bërë të ditur se dosja paraprake në çështjen gjyqësore kundër, Sabit Januzit, Haxhi Shalës dhe Ismet Bahtjarit, iu ka dorëzuar sot trupi gjykues. Ky njoftim u publikua pas dorëzimit të dosjes paraprake nga mbrojtja e Shalës më 27 gusht, e cila është konfidenciale. Dosja e përbashkët gjyqësore kundër tre të akuzuarve u krijua pas vendimit të gjyqtarit të procedurës paraprake, Nicolas Guiju, më 8 shkurt 2024, për të bashkuar aktakuzat ndaj Ismet Bahtijarit dhe Sabit Januzit me atë të Haxhi Shalës. Gjyqtari konstatoi se aktakuzat lidhen me të njëjtat vepra penale, duke vënë në dukje se të akuzuarit kanë vepruar si grup. Sabit Januzi dhe Ismet Bahtijari u arrestuan dhe transferuan në Hagë nën dyshimin se kanë bërë përpjekje të pengonin dëshmitarët përmes kërcënimeve. REL
