Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Situata në pikëkalimet kufitare mes Kosovës dhe Serbisë është tensionuar, pas bllokadave të shpallura nga qytetarët serbë si reagim ndaj veprimeve të autoriteteve në veriun e Kosovës. Rrugët që çojnë në pikëkalimet kufitare në Merdar dhe Jarinjë janë bllokuar pjesërisht nga disa individë, duke shkaktuar shqetësime për përshkallëzimin e tensioneve. Bllokadat e shpallura janë një reagim kundër veprimeve të fundit të Policisë së Kosovës, e cila mbylli pesë zyra të strukturave paralele në veri, për të cilat kishte dyshime për falsifikim dokumentesh. Kjo bllokadë është pjesë e një proteste më të gjerë të organizuar nga disa shoqata serbe, të cilat paralajmëruan bllokimin e pikave kufitare në Jarinje, Bërnjak dhe në Kullë, kufiri me Malin e Zi. Sipas Rasha Rojeviqit, kryetar i Asociacionit të Qytetarëve të Qarkut Kosovë-Mitrovicë, kjo është një “bllokadë selektive”, që lejon kalimin e kufirit vetëm për udhëtarët me dokumente serbe, si shenjë reciprociteti ndaj veprimeve të Qeverisë së Kosovës në veri të vendit.
