Ferizajt iu shtua edhe një fitore sportive, Superkupa e Kosovës në hendboll “Izet Gjinovci” që sivjet mbajti edicionin e saj, në përkujtim të sekretarit shumëvjeçar të Federatës së Hendbollit të Kosovës, që ndërroi jetë me 5 gusht 2024, Izet Gjinovci.
Janë vajzat e KHF “Ferizaj” ato që mposhtën ekipin e Istogut, kampionet në fuqi, në Palestrën e Sporteve “Mizahir Isma” në Rahovec me rezultat 36:34, dhe për herë të parë u bënë fituese të Superkupës së Kosovës, duke lartësuar akoma më shumë, krenarinë e sukseseve të sportit ferizajas. Në konkurencën e meshkujve trofeun e fitoi skuadra nikoqire Rahoveci që mposhtën Kastriotin nga Ferizaj me rezultat 38:34.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
