Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Prishtinë është mbajtur takimi me ambasadorët e shteteve të Quintit (SHBA, Britani, Gjermani, Itali dhe Francë) për temën e kthimit dhe të integrimit të personave të shpërngulur dhe për projektin e “Luginës së Diellit”. Ky takim është mbajtur me kërkesë të ministrit të Kosovës për Komunitete e Kthim Dalibor Jevtiq. Sipas kumtesës ministrore, Jevtiq ka thënë se procesi i kthimit nuk është aspak i lehtë dhe se në këtë rrugë dalin mijëra pengesa , sipas tij që nga pasuria e uzurpuar deri problemi i dokumenteve personalë, sigurisë e shumë të tjerët. Ai ka theksuar se brengoset edhe më shumë pasi procesi i kthimit, sipas tij, po merr konotacion politik dhe ka shtuar edhe pas 17 vjetësh po flitet ende kush mund dhe kush nuk mund të kthehet. Ministri, Jevtiq ka kërkuar përkrahjen e shteteve të Quintit në Kosovë për zgjidhjen e kësaj çështjeje që ai e quan të rëndësishme. Vendet e Qunitit, sipas kumtesës, kanë shfaqur gatishmëri për përkrahje politike në këtë proces.
