Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së, Lumir Abdixhiku deklaroi se këtë verë është goditur shtetësia e Kosovës. Sipas tij, vendimi i Bashkimit Evropian për njohjen pasaportave serbe të lëshuara për territorin e Kosovës tregon për gjendjen fatale të vendit. Ai në seancë plenare foli edhe për hapjen e Urës së Ibrit, për çka tha se LDK është kundër përplasjes me NATO-n, por shtoi se Kosova po rrezikon përjashtimin nga procesi i Berlinit si shkak i populizmave. Lumir Abdixhiku tha se ta kuptojmë për pak këtë gjendje fatale për Republikën. BE njeh autoritetin shtetar serb mbi shtetin e pavarur të Kosovës, 17 vjet pas pavarësisë, 25 vjet pas lirisë. Si mund të mburremi ne me një përfundim të tillë, ku qenka suksesi i sjelljes sonë diplomatike e sovrane, kur jemi në prag të përjashtimit edhe nga procesi i Berlinit për të humbur kështu përfundimisht barabarësinë e trajtimit mes gjashtë shteteve të Ballkanit Perëndimor. Këto janë pasoja serioze të kësaj politike populiste, kjo politikë nuk shpie askund përveç në favorizimin e kundërshtarëve tanë historik, rrezikimin e shtetësisë sonë ende të pakonsoliduar mirë, saktësoi, Lumir Abdixhiku.
