Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Gjermanisë për Evropë dhe Klimë, Anna Luhrmann, ka bërë thirrje që Kosova të angazhohet urgjentisht në zgjidhjen e bllokadës në organizatën rajonale CEFTA (Marrëveshja e Tregtisë së Lirë të Evropës Qendrore). Gjatë fjalës së saj në hapjen e Javës së Zhvillimit të Qëndrueshëm në Kosovë, Luhrmann paralajmëroi se bllokimi i CEFTA-s mund të rrezikojë Procesin e Berlinit dhe të dëmtojë bashkëpunimin rajonal, duke ngadalësuar kështu përparimin e Kosovës drejt integrimit në Bashkimin Evropian. “Bashkëpunimi rajonal është kyç për të afruar Kosovën më shumë me Bashkimin Evropian. Bllokada aktuale e CEFTA-s rrezikon të pengojë përpjekjet tona. Ne kërkojmë nga qeveria e Kosovës që të angazhohet sa më shpejtë në një zgjidhje,” tha Luhrmann, duke siguruar se Gjermania do të mbështesë gjithmonë Kosovën në këtë rrugëtim drejt BE-së.
