Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj ka prezantuar dy aderime në parti, Gëzim Ibrahimin dhe Ismet Hajdinin. Me këtë rast, Limaj vlerësoi si lajm të jashtëzakonshëm këto aderime, derisa tha se Nismës po iu bashkohen njerëz intelektualë, veprimtarë e me ide të qarta.
Ai tha se do të vazhdojnë të punojnë për zgjerimin e kësaj partie. I aderuari, Ismet Hajdini përmendi dy arsye kryesore që ndikuan për t’iu bashkuar Nismës Socialdemokrate. Sipas tij, gjendja momentale në politikë të brendshme dhe të jashtme, shëndetësi, arsim e ekonomi kanë nevojë për qeverisjen e Nismës. Hajdini tha se kryetari Limaj ka ide, vullnet dhe përvojë të mjaftueshme për ta nxjerrë vendin nga kjo situatë. Arsye tjetër, Hajdini tha se gjatë qeverisjeve të më hershme ku ka qenë Nisma Social Demokrate, Anamoravë ka pasur një përkrahje të jashtëzakonshme. Ish ministri Fatmir Matoshi, i cili tashmë ka aderuar në Nismën Socialdemokrate tha se përgjatë muajve të fundit kanë ardhur në përfundim se ka ardhur koha për Nismën në rajonin e Anamoravës.
