Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një aeroplan ushtarak anglez, ka zbarkuar në Aeroportin Ndërkombëtar të Prishtinës “Adem Jashari”, duke sjellë një kontingjent prej mbi 300 trupash nga regjimenti “Rojal Jorkshire”, që do t’i bashkohen misionit të KFOR-it, në Kosovë. Sipas njoftimit të NATO-s, ky kontingjent do të kryejë aktivitete stërvitore së bashku me trupat e tjera të KFOR-it. Qëllimi i këtij dislokimi është të testohen procedurat për reagimin e shpejtë dhe integrimin e trupave shtesë me operacionet e KFOR-it. Stërvitja synon të rrisë gatishmërinë e KFOR-it për të përballuar sfidat e sigurisë dhe për të siguruar zbatimin e vazhdueshëm të mandatit të tij, të cilin e ka bazuar në Rezolutën 1244 të Këshillit të Sigurimit të Kombeve të Bashkuara.
