Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori Rajonal për Programet e Evropës Qendrore dhe Lindore të Institutit Demokratik Kombëtar të Amerikës, Robert Benxhamin, shprehu shqetësimin e tij lidhur me ndikimin e dezinformimit në Kosovë dhe në rajonin e Ballkanit. Ai deklaroi se është ende e paqartë se kush qëndron pas financimit të këtyre përpjekjeve për përhapjen e lajmeve të rreme, por theksoi se efekti kryesor i tyre është nxitja e konfliktit, gjë që nuk i shërben Kosovës dhe asnjë shteti tjetër në rajon. Benjamin krahasoi situatën e Kosovës me vendet e tjera, duke përmendur se edhe vende të zhvilluara si Sllovakia, një anëtare e NATO-s dhe BE-së, po përballen me nivele të larta të dezinformimit. Ai vuri në dukje se dezinformimi nuk është problem vetëm në Ballkan, por një sfidë globale që prek vendet evropiane dhe Amerikën.
