Në ambientet e Galerisë së Arteve në Ferizaj, nën organizimin e Shtëpisë Botuese “Drini” u promovua vepra “Jeta me laps e Nehat Islamit” me autor gazetarin Xheladin Rexhepi.
Botimi i kësaj vepre të veçantë kushtuar doajenit të gazetarisë, ferizajasit Nehat Islami u mbështet nga Komuna e Ferizajt, gjersa me fjalë të zgjedhura, duke çmuar lartë punën, angazhimin dhe rolin e doajenit të gazetarisë Nehat Islami, me fjalë të pranishmëve iu drejtuan krijuesit, historianët, gazetarët Kemajl Aliu, Bejtullah Destani, Njazi Musliu, Zenun Çelaj, Ibrahim Kadriu, Mustafë Xhemajli, Faruk Tasholli.