Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-zëdhënësi i NATO-s gjatë luftës në Kosovë, Jamie Shea, komentoi situatën politike në vend dhe raportet mes Kosovës dhe Bashkimit Evropian gjatë qëndrimit të kryeministrit Albin Kurti në Bruksel. Ai vlerësoi se Kurti ndoqi këshillën e BE-së për të mos rihapur Urën e Ibrit për qarkullim të veturave, duke e parë këtë si një hap pozitiv në përpjekjet për normalizimin e marrëdhënieve. Shea parashikoi se masat ndëshkuese të BE-së ndaj Kosovës mund të hiqen këtë vjeshtë, nëse ruhet një periudhë qetësie në veri dhe Prishtina punon për riintegrimin e serbëve në strukturat e sigurisë dhe administratën lokale. Ai theksoi se rifillimi i dialogut mes Kosovës dhe Serbisë është i domosdoshëm dhe se liderët e rinj të BE-së do të kenë një rol të rëndësishëm në këtë proces. Shea përmendi se presidenti serb Aleksandar Vuçiq ka bërë thirrje për bashkëpunim në këtë drejtim, duke e parë këtë si një provë për angazhimin e tij në zbatimin e marrëveshjeve të ardhshme.
