Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mbledhjen e sotme të Kuvendit Komunal të Rahovecit, Udhëhequr nga Kryesuesi i Kuvendit Komunal të Rahovecit, Arbër Zenuni, u mbajt seanca e muajit shtator, e nënta e rregullt për këtë vit kalendarik. Të pranishëm në seancë përveç shumicës së kuvendarëve, si zakonisht ishin edhe Kryetari i Komunës, Smajl Latifi, Nënkryetari Fatmir Iska, drejtorët e drejtorive komunale, zyrtarët komunalë, mediat që monitorojnë seancën dhe përfaqësuesit e OSBE-së. Fillimi i seancës karakterizohet me votim të procesverbalit nga mbledhja e kaluar, për të vazhduar me diskutime dhe pyetje të ndryshme drejtuar kryetarit dhe drejtorive përkatëse.
U miratua buxheti për vitin 2025 me 16 vota për, 8 kundër dhe 4 abstenime. Buxheti kap vlerën prej 20 milion 982 mijë e 796 euro (20.982.796.00 €) dhe synon të realizojë një sërë projektesh të rëndësishme për zhvillimin e komunës.
Sipas Kryetarit të komunës, z. Smajl Latifi, projektet e planifikuara do të kenë një ndikim pozitiv të ndjeshëm në jetën e përditshme të qytetarëve.
Ai falenderon të gjithë ata që janë përfshirë në këtë proces, drejtorin e Drejtorisë për Buxhet dhe Financa, z. Afrim Limani, ekipin e tij, si dhe anëtarët e Kuvendit Komunal për kontributin që dhanë në votimin e buxhetit për vitin 2025 dhe të projeksioneve për vitet pasuese, 2026 dhe 2027!
Fillimi i seancës karakterizohet me votim të procesverbalit nga mbledhja e kaluar, për të vazhduar me diskutime dhe pyetje të ndryshme drejtuar kryetarit dhe drejtorive përkatëse.
Pyetjet dhe diskutimet ishin rreth këtyre çështjeve:
Problemet e mungesës së ujit dhe reduktimet gjatë natës për lagjen e epërme
Kërkesat kundrejt KRU Gjakovës
Problemet me energji, rruga “Vëllezërit Frashëri” – vendosja e trafos
Infrastruktura në Komunën e Rahovecit – trajtimi i rrugëve dytësore;
Diskutime rreth konkurseve, mënyra e vlerësimit dhe deficiti i kuadrove
Kyçja në kanalizim për shtëpitë në rrugën “Vëllezërit Frashëri”
Problemet me aparat të fotokopjes nëpër shkolla
Problemet me nyje sanitare në shkollën “Faik Konica” – Celinë
Shtëpia e masakrës në Krushë të Madhe – procesi i shpronësimit
Funksionalizimi i QMF- së në Krushë të Madhe
Kujdestaria e shtatë barnatoreve në qytet
Mbyllja e përkohshme e AMF-së në Opterushë – defekti me lagështi
Çështja e ballkonit panoramik
Gjendja jo e mirë e rrugës “Xhafer Nurkasa” në qytet
Uji i pijshëm – kompetencat e KRU Gjakovës
Trajtimi i rrugëve fushore;
Mbikëqyrja dhe hartimi i projekteve
Infrastruktura sportive
Qendra multifunksionale
Propozimi për investime në bilborde në qytet
Sheshi Qendror
Në të gjitha pyetjet e parashtruara, anëtarët e kuvendit morën përgjigje të strukturuara dhe konkrete nga kryetari i komunës dhe ekzekutivi.
Rendi i ditës ishte me 6 pika
-
Shqyrtimi dhe miratimi i procesverbalit nga mbledhja e kaluar
-
Pyetjet, përgjigjet dhe diskutimet e kuvendarëve
-
Shqyrtimi dhe miratimi për ndryshimin dhe plotësimin e vendimit 01 Nr.235/24 i datës 25.07.2024 për shpalljen me interes të përgjithshëm publik
-
Shqyrtimi dhe miratimi i propozim-vendimit për miratimin e buxhetit për vitin 2025
-
Shqyrtimi i Informatës nga DKA-ja, për përgatitjet për fillimin e vitit të ri shkollor 2024/2025
-
Shqyrtimi i Informatës nga DKRS-ja, rreth muajit të mërgimtarëve
