Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka komentuar deklaratën e ambasadorit amerikan, në Prishtinë, Jeffrey Hovenier, i cili citoi gjyshin e tij të ketë thënë ‘mos urinoni para dyerve të klubit ku doni të hyni. Haradinaj tha se kjo është një shprehje shumë e pazakontë e tij, por është shprehje e pakënaqësisë për kursin dhe rrugën e gabuar që ka përzgjedhur Kosova. Ambasadori Amerikan Jeffrey Hovenier ka qenë i kyçur në çështjen e Kosovës që nga lufta çlirimtare e popullit tonë, posaçërisht gjatë negociatave nën udhëheqjen e Marti Ahtisaarit. Ambasadori Hovenier shquhet si njeri me vlera të larta njerëzore, top diplomat me një urtësi të madhe politike, njerëzore dhe intelektuale. Ai ka gjithmonë fjalë të përzgjedhura dhe ka një dashuri të madhe për Kosovën dhe popullin e saj, tha mes tjerash, kryetari i Aleancës për Ardhmërinë e Kosovës, Ramush Haradinaj.
