Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mbledhjen Këshillit të Përgjithshëm të Lëvizjes Vetëvendosje, kryetari, Visar Ymeri ka thënë se gjatë këtyre zgjedhjeve të brendshme vetëm pesë kryetarë nga gjithsej 26 prej tyre e kanë marrë mandatin e dytë. “Të gjithë të tjerët janë të rinj në këtë detyrë. Unë shfrytëzoj rastin që t’ua uroj të gjithëve këtë detyrë të re, dhe t’u urojë punë e përkushtim shembullor të cilën që ta ndjekin aktivistët. Në këto 26 qendra, 24 në Kosovë plus qendra në Suedi dhe ajo në Zvicër, pesë prej kryetarëve janë gra. Ky fakt më gëzon”, ka deklaruar Ymeri. Pa u lodhur e pa e marrë parasysh interesin vetjak qytetarë të shumtë i janë bashkuar Vetëvendosje!-s në këto beteja, për të ndalur projektet tepër të dëmshme për sovranitetin dhe shtetndërtimin e Kosovës, që ishin ‘Zajednica’ dhe Demarkacioni. Falë betejave tona të përbashkëta ne mbërritëm të forconim pozitën politike të argumenteve tanë. Dhe arritëm ta ndalim me sukses edhe ‘Zajednicën’, edhe Demarkacionin, të cilat Isa Mustafa e Hashim Thaçi deshën t’i zbatonin qysh në shtatorin e 2015.
