Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i KFOR-it, gjeneralmajori, Özkan Ulutash, ka zhvilluar një takim të rëndësishëm me ministrin e Mbrojtjes së Shqipërisë, Pirro Vengu, dhe shefin e ushtrisë shqiptare, Arben Kingji, ku në qendër të bisedimeve ishte situata e sigurisë në Kosovë dhe stabiliteti rajonal. Shqipëria ka kontribuar vazhdimisht në aktivitetet e këtij misioni, duke luajtur një rol të rëndësishëm për mbajtjen e paqes dhe sigurisë në rajon. Gjeneralmajor Ulutash vlerësoi këto kontribute si të rëndësishme për misionin e KFOR-it në Kosovë. Shefi i ushtrisë shqiptare, Arben Kingji, falënderoi komandantin e KFOR-it për menaxhimin profesional të situatave të ndryshme të sigurisë në Kosovë gjatë mandatit të tij dhe ritheksoi rëndësinë e prezencës së KFOR-it për ruajtjen e paqes dhe stabilitetit në rajon. Shqipëria do të vazhdojë angazhimin e saj në përmbushjen e detyrimeve ndaj misionit të KFOR-it.
