Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ziadin Sela, një nga liderët e “Frontit Evropian”, i ka bërë thirrje koalicionit “VLEN” që t’i bashkohet Frontit Evropian në mënyrë që, së bashku, t’i tregojnë vendin Kryeministrit të Maqedonisë së Veriut, Hristjan Mickoski. Sela i bëri këto komente gjatë konferencës “100 ditë skandale, nënçmime, poshtërime, dështime”, që shënoi nisjen e fushatës opozitare të Frontit Evropian. Ai theksoi se Fronti Evropian nuk synon pushtetin me çdo kusht, por është i përkushtuar për të ndërtuar një koalicion kuptimplotë dhe për të vënë kufijtë e qartë ndaj Mickoskit. “Ne nuk jemi të obsesionuar me pushtetin. Lideri i Bashkimit Demokratik për Integrim dhe kryetar i Frontit Evropian, Ali Ahmeti, gjithashtu ka theksuar se Fronti nuk është i interesuar të bëhet pjesë e qeverisë së Mickoskit. Ne nuk jemi gomë rezervë, tha Ali Ahmeti, duke shtuar se Fronti Evropian është përfaqësuesi legjitim i shqiptarëve, ndërsa koalicioni “VLEN” nuk i ka fituar zgjedhjet, megjithëse është bërë pjesë e qeverisë.
