Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Sindikatës së Punëtorëve të Sektorit Privat, Jusuf Azemi, ka deklaruar se rritja e pagës minimale në 350 euro nuk është meritë e Qeverisë Kurti, por rrjedhojë e mungesës së fuqisë punëtore në vend. Sipas tij, kjo rritje nuk vlen në të gjitha sektorët, përveç kompanive publiko-private që ofrojnë shërbime për institucionet shtetërore. Azemi theksoi se rritja e pagave në Kosovë po ndodh kryesisht për shkak të liberalizimit të vizave, që ka shkaktuar largimin e punëtorëve drejt vendeve të tjera. “Qeveria nuk ka ndonjë ndikim të drejtpërdrejtë në rritjen e pagave. Në fakt, është mungesa e fuqisë punëtore ajo që po i detyron kompanitë të rrisin pagat,” tha Azemi .
