Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Po i vazhdon punimet Këshilli i Përgjithshëm i Vetëvendosjes ku para anëtarëve të këtij Këshili po raportojnë ministrat e Qeverisë Kurti. Gjatë fjalës së saj, ministrja e Arsimit, Shkencës dhe Inovacionit, Arbërie Nagavci, fajet për mospërmbushjen e zotimeve që kishte bërë partia Vetëvendosje gjatë fushatës zgjedhore, po ua hedh komunave. Ajo ka theksuar se zotimi për mos përmbushjen e zotimit për ndërtimin e 160 çerdheve i kanë komunat. Ministrja, Arbërie Nagavci ka thënë se ka shumë raste kryetarët e komunave janë në gjendje që të sakrifikojnë interesat e qytetarëve të tyre vetëm që të mos lejojnë që të përmbushen premtimet e Qeverisë. “Në raport me premtimin tonë për ndërtimin e 160 çerdheve, që është edhe çështja që po sulmohemi më së shumti, mendoj që qëllimshëm po harrohet pjesa e dytë e fjalisë të cilën ne e kemi përmendur në programin tonë ku kemit thënë se do të hapim 160 çerdhe në bashkëpunim me komunat, sepse sipas ligjit është përgjithësi e komunave edukimi para universitar, por mbi të gjitha çdo investim i joni si ministri duhet të bëhet me kërkesën e komunave” ka theksuar ministrja, Arbërie Nagavci.
