Drejtoria e Infrastrukturës të komunës së Ferizajt është në vazhdim të implementimit të projektit të “Bashkimit të Qytetit”

07/10/2024 Institucionet

Drejtoria e Infrastrukturës e Komunës së Ferizajt është në vazhdim të implementimit të projektit të “Bashkimit të Qytetit” në nyjet që lidhin rrugët urbane “Ahmet Kaçiku”, “Brigada 161”, “Brahim Ademi”, “Tahir Sinani”, “Dëshmorët e Kombit”, “Bedri Asllani” dhe “Ramadan Rexhepi”, ku pas përfundimit të segmenteve të rrugës “Brahim Ademi” dhe “Ramadan Rexhepi” punimet janë zhvendosur në rrugët “Ahmet Kaçiku”, “Brigada 161” dhe “Bedri Asllani”, prandaj më datë 08.10.2024 (E Marte) e deri në përfundim të punimeve do të bëhet mbyllja e disa segmenteve të këtyre rrugëve për shkak të punimeve që do të zhvillohen në ndërtimin e nënkalimit.

Rrugët alternative për qarkullimin e automjeteve në komunikacion nga kjo datë mund të përdoren rrugët “Sali Çeku”, “Vëllezërit Gërvalla”, “Emin Duraku”, rruga e nënkalimit “Latif Hasani” dhe rrugët brenda hapësirave të qendrës tregtare “Village”, ndërsa vendosjen e pengesave (barrierave) për sigurinë në komunikacion dhe shenjave të trafikut për orientimin në komunikacion do ta kryen operatori ekonomik i cili është duke bërë ekzekutimin e projektit.

Ndalohet qarkullimi i transportit ndër-urban në rrugën “Ahmet Kaçiku” (segmenti Stacioni i Autobusëve – Stacioni Policor) në linjat Ferizaj-Prishtinë-Ferizaj, Ferizaj-Lipjan-Ferizaj dhe Ferizaj-Gadime-Ferizaj.

Apelojmë te qytetarët që të shfrytëzojnë rrugët alternative dhe të kenë mirëkuptim deri në përfundimin e punëve, ndërsa nga Policia e Ferizajt kërkojmë që me një intensitet më të shtuar të policëve sipas nevojës të asistojnë në mbarëvajtjen dhe sigurinë në komunikacion.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara